BACOLOD CITY — Pito ka mga barangay sa banwa sang Valladolid ang gindeklarar na nga drug cleared.
Ini ang ginalakipan sang Barangay Batuan, Ayungon, Alijis, Duldol, Guintorilan, Bayabas, kag Paloma.
Suno kay Police Senior Inspector Junjie Liba, hepe sang Valladolid Municipal Police Station, nakapasar ang nasambit nga mga barangay sa guidelines sang Dangerous Drugs Board santo sa DDB Regulation 3 Series of 2017 sa pagdeklarar sang barangay bilang drug-cleared ukon wala na sang drug personalities.
Ini ang naglabay sa evaluation sang barangay drug abuse council kag ginlantaw man sang Philippine Drug Enforcement Agency Negros Island Region pinaagi sa evaluation.
Sa pihak sini, gin-athag ni Liba nga wala pa ini nagakahulugan nga hilway na ang mga ini sa iligal nga druga.
Ginpabugal naman sang hepe nga ang Valladolid ang labing una nga banwa nagikan sa 19 ka munisipalidad sa Negros Occidental nga nakadeklarar sang drug-cleared barangays.
Sa karun, target sang Valladolid Municipal Police Station nga madeklarar ang siyam ka iban pa nga barangay nga clear naman sa illegal drugs antes matapos ang subong nga tuig.
