Napaidalom subong sa heightened alert ang Philippine National Police (PNP) bangud sa posible nga mga protesta samtang ginapatigayon ang apat ka adlaw nga confirmation of charges hearing sang International Criminal Court (ICC) batok kay anay Presidente Rodrigop Duterte nga magasugod na subong nga adlaw.
Ginpahayag ni PNP chief Jose Melencio Nartatez, gina-monitor sang mga otoridad ang posible nga mga mass gathering sa bug-os nga pungsod.
Suno diri, nakahanda ang ila security measure agud masiguro ang malinong nga pagpatigayon sang bisan ano nga aktibidad sa mga pampubliko nga lugar.
Ginmanduan man sini ang regional units nga magpre-position sang Civil Disturbance Management teams kag magpreparar sang mga medical emergency responder.
Panugyan ni Nartatez sa publiko nga magpabilin nga kalmado kag indi magpadala sa emosyon nga mahimo mangin kabangdanan sang gamo ukon paglapas sa layi.
Paathag sini, ang PNP ang wala sang ginapaboran kundi sila ang nagatutok para sa kalinong kag seguridad sang tagsa ka Pilipino.
