Igalubong na sa Sabado ang nagtaliwan nga principal sang Guinpana-an Elementary School sa banwa sang Moises Padilla.
Madumduman nga sang Hulyo 28, nahulog gikan sa atop si principal Reynaldo Mojares kag Hulyo 31 sang ini ang ginbawian sang kabuhi.
Sa interview sang Bombo Radyo Bacolod kay Department of Education (DepEd) division of Negros Occidental – Moises Padilla District Supervisor Gideon Panganiban, sa Biyernes igasaylo ang haya ni Mojares sa Guinpana-an Elementary School kag didto magatinir ini sang isa kagab-i.
Suno diri, may yara sang libre nga panyaga kag snacks nga ginpreparar ang Local Government Unit sang banwa.
Kag pagkasunod nga adlaw, igadal-on na sa Guinpana-an church si Mojares kag matapos ang misa ini ang idul-ong na sa ulihi sini nga palahuwayan sa Moises Padilla Public Cemetery.
Suno kay Panganiban, nakahatag na ang Moises Padilla Public School Teachers League sang assistance sa pamilya ni Mojares, kasubong man nga nagpalab-ot sang bulig ang LGU sang Moises Padilla.
