Nagaplano ang Department of Agriculture (DA) nga padasigon ang production sang katumbal kag ihanda ang mga uma nga makabato batuk sa malain nga tyempo.
Ini kasunod sang madasig nga pagbag-o sa presyo sini.
Sa isa ka statement, ginmanduan ni Agriculture Secretary Francisco Tiu Laurel Jr. ang DA officials sa isa ka pagsinapol nga mag-establish sang baseline numbers para sa kunsumo sa national kag Manila, ang output subong, kag average yield kada ektarya.
Suno sa DA, ang presyo sang katumbal ang masami nagasaka kun tig-ululan kag ginaguba sang bagyo ang mga produkto. Bangud sini, apektado ang suplay.
Sang Septyembre, ang kilo sang siling labuyo ang ginbaligya tubtob P800 bangud sang malain nga tyempo.
Luyag ni Tiu Laurel nga mabag-o ang cycle pinaagi sa pagpares sang maayo nga data sa climate-resilient production.
