Nagapati ang rector sang Diocese of San Carlos nga mahimo gid mangin Santo si Pope Francis.
Sa interview sang Bombo Radyo kay Monsignor Erwin Magnanao, sang tinalikdan nga tuig sa ginpatigayon nga International Meeting of Parish Priests for the Synod sa Vatican City kun sa diin may yara sang masobra sa 200 ka mga pari gikan sa bug-os nga kalibutan kag may yara sang napulo ka pari nga halin sa Pilipinas.
Suno diri, ginpalinya sila tanan kag ginblessingan sang Santo Papa.
Suno diri, sang malapit na ang iya linya nagpreparar ini para magkuha sang picture.
Gin-ako sini nga nakulbaan siya apang wala man sang problema kay Pope Francis nga magkuha sang picture kaupod niya.
Kasunod sini, siya ang ginhambal sang Santo Papa sang masami man sini nga ginahambal sa tanan nga ‘Pray for me’.
Pahayag ni Magnanao, nalipay ini nga makita sa personal ang Santo Papa nga bisan sa gamay lang nga tion nga naesturya sini.
Nakawheelchair na si Pope Francis sang nakita sini apang husto ang dedikasyon sini para sa misyon sang simbahan.
Indi man sini malipatan ang pagulikid sang Santo Papa sa mga kubos, sa kalibutan, kag sa kaisahan sang tanan.
Nagapati si Magnanao, nga may kalidad si Pope Francis nga mangin Santo.
