Senator Bam Aquino ginpahayag nga isa kadalag-an ang madasig nga pag-apruba sang Education budget 2026

Ginlaragway ni Senator Bam Aquino nga madinalag-on ang pagpasar sang P1.3 trillion nga budget para sa sector sang edukasyon sa 2026 national budget.

Suno sa senador, mas madamo ang makabenepisyo diri nga mga estudyante halin sa basic education tubtub sa kolehiyo.

Pila sa mga konkreto nga tikang nga sakop sang budget ang mga dugang nga classrooms , mas ginpasangkad nga libre nga pagkaon sa eskwelahan kag mas ginpabaskog nga suporta sa mga kolehiyo kag estudyante nga nagakinahanglan sang bulig pinansyal.