Pilason ang isa ka senior citizen nga babayi matapos mabungguan sang tricycle sa Bangga Tomaro, Brgy Sum-ag, Bacolod City alas-7:52 kaina sang aga.
Ang biktima ang ginkilala nga si Terisita Vidol, 69 anyos, balo, residente sang Prk Fatima Dos, Brgy Sum-ag, Bacolod City; samtang ang Kawasaki Barako nga tricycle ang ginamaneho naman ni Antonio Salazar Jr, 64 anyos, kasado, residente sang SP Village, Brgy Pahanocoy, Bacolod City.
Sa inisyal nga imbestigasyon, gikan sa Banggay Iglesia, Bangga Tomaro ang biktima, kag ini ang magatabok kuntani sa dalan sang siya ang nabungguan sang tricycle sa nawala nga bahin sang iya lawas.
Bangod sa impact, nag-agom sang pilas sa ulo ang tigulang, kag ini ang nalipungan.
Ang biktima ang ginhingagaw naman dala sa Bacolod South Hospital; samtang ang driver sang tricycle ang yara sa karun sa kustodiya sang Bacolod Police Station 9.
