Nangin matawhay kag wala sang kinagamo sa ginpatigayon nga rally sang pila ka sektor kahapon kadungan sang State of the Nation Address (SONA) ni President Ferdinand ‘Bongbong’ Marcos Jr..
Sa interview sang Bombo Radyo Bacolod kay Police Major Elmer Bonilla, station commander sang Bacolod Police Station 1, may gindeploy nga kapulisan para magsecure sa sitwasyon kag sa dalan.
Suno diri, yara ang kapulisan nga nagmonitor kag nag-assists sa mga tawo sa tunga sang rally.
Dugang pa sini, basta may yara sang mga major events, handa kag preparado ang kapulisan kag nagpasalig man ini nga bisan pa wala sang rally may yara gid sang ginadeploy nga mga pulis.
Pahayag ni Bonilla, matawhay nga natapos ang rally bangod man nga mas nagnubo ang numero sang mga nagarally subong kun ikumpara sa mga nakaligad.
