Nalapawan na sang Iloilo sa Medal Tally ang Negros Occidental sa nagapadayon nga Western Visayas Regional Athletic Association (WRAA) Meet sa probinsya sang Antique.
Sa interview sang Bombo Radyo Bacolod Romeo Sison, sports coordiator sang Negros Occidental nalapawan sang Iloilo ang probinsya sa medal tally sang secondary kag Para Games category.
Sa pihak sini nagalaom si Sison nga makabawi ang Negros Occidental bangud may yara hampang nga nadag-an sang mga atleta apang wala pa nabutang sa medal tally.
Suno diri nga sa elementary category, nagapanguna sagihapon ag Negros Occidental.
Ginpahayag sini nga OK lamang nga magcheer sa mga atleta apang wala lang sang paghaboy sang indi maayo nga mga tinaga sa kontra.
Wala man sang problema ang mga belitting magluwas lamang sa ginapreparar nga pagkaon para sa mga atleta apang ini ang nasolusyunan man.
Suno kay Sison, dako sagihapon ang pagpati sini nga may tsansa nga magchampion ang Negros Occidental sa 2025 WVRAA Meet.
Nagpanawagan ini sang pagpangamuyo para sa safety sang mga atleta kag mga delegado sa nagapadayon nga paghinampang.
Aminado man ini nga may yara sang gamay nga komosyon nga nagluntad sa tunga sang player sang Iloilo kag Negros Occdidental kun sa diin nakuhaan sang video nga nagaagaway sa pagsipa sang bola ang duha ka players, hinali lang nga nangin tensyonado ini kun sa diin didto na nagtapungulay ang duha.
Madasig naman nga nagtambag ang iban nga players.
Sa amo nga hampang, daug ang Iloilo kontra sa Negros sa score nga 2-0.
Samtang sa latest nga medal tally sa Elementary nagapanguna ang Negros Occidental nga may 35 gold, 22 silver kag 33 bronze samtang ang Iloilo nga may 34 gold, 36 silver kag 18 bronze; Capiz nga may lima ka gold; walo ka silver kag 16 ka bronze.
Sa secondary, nagapanguna ang Iloilo nga may 48 ka gold; 46 ka silver kag 38 ka bronze; Negros Occidental nga may 46 ka gold;36 silver kag 28 bronze samtang Aklan nga may 17 ka gold.,16 silver kag 23 ka bronze.
Sa Para Games, nagapanguna ang Iloilo nga may 44 ka gold, 20 silver kag 9 bronze samtang ang Negros Occidental ang may 16 ka gold; 14 silver kag 13 bronze.
