Nagdangat na sa 1,866 ang mga registrant sa website sang Provincial Disaster Management Program Division (PDMPD) sang mga Overseas Filipino Workers (OFW) kag non-Overseas Filipino Workers (non-OFW) nga luyag nga magpauli sa probinsya sang Negros Occidental.
Ginpakigbahin man ni Provincial Disaster Risk Reduction and Management Officer Dr. Zeaphard Gerhart Caelian ang mga registrants humalin sang Abri 17 tubtub Abril 24.
Santo sa slide nga ginpakita sini, sa Abril 17 may yara sang 534 registrees; Abril 18, 265; Abril 19, 260; Abril 20, 241; Abril 21, 184; Abril 22, 143; Abril 23, 197 kag Abril 24, may yara sang 42.
Suno kay Caelian, may yara naman sila sang plano kag sa tion nga mahimo na nga magbalik ang mga stranded Negrenses, igapatuman na ang plano base sa polisa kag rekomendasyon sang Regional Inter Agency Task Force (IATF).
Ginpaathag man sini may yara sang tion nga indi ma-access ang website agud magparehistro bangud ginadown ini sang mga Information Technologists bangud may yara gina-edit diri agud idugang ang iban pa nga impormasyon nga mapuslan pa sang may luyag magrehistro kag nakadepende man sa internet connection ang pagaccess sini.
Dugang pa sini indi man mahimo magparehistro liwat ang nakarehistro na bangud madetect sang website kun nakarehistro na ang isa ka indibidwal.
