UPDATE – Ginahibalo pa sang mga opisyal sa banwa sang Calatrava kun miyembro gid man sang kulto ang 21-anyos nga suspetsado sa pagpatay sa iya tatlo ka mga manghod sa banwa sang Calatrava.
Suno kay Councilor Honeyboy Goc-ong, may nabaton sila nga impormasyon nga kabahin si Junmark Melibo sa isa ka kulto.
Base man sa pagpangusisa sang konsehal, indi lang tatlo ang palatyon sini kundi 12.
Luyag naman nila nga ipaidalum sa examination ang suspetsado agud mapamatud-an kun may deperensya gid man ini sa paminsaron.
Dugang pa ni Gog-ong nga handa na ang ila bulig nga igahatag sa pamilya.
Madumduman nga sang Sabado sang adlaw, ginreport nga gingulgulan sang liog ni Junmark ang iya tatlo ka mga manghod nga sanday Gregor, 1 ka tuig; Alejandro,5-anyos; kag Jhorenz Melibo, 14-anyos, nga naga-puyo sa Sitio Palala, Barangay Marcelo, Calatrava.
Sa subong ara na sa kustodiya sang Calatrava Municipal Police Station ang suspetsado.
