Duha ka alkalde sa probinsya sang Negros Occidental ang liwat nga magabalik sa partido sang Lakas–Christian Muslim Democrats (Lakas–CMD).
Sa mahibaluan ang Lakas-CMD ang ginapamunuan ni House Speaker Martin Rumualdez.
Suno kay Manapla Mayor Manuel Escalante, kaupod sini si Cadiz City Mayor Salvador Escalante kag Toboso Mayor Madonnah Jaojoco sa pagtake-oath sa Lakas-CMD.
Suno diri, magasulod man sa partido ang bise alkalde kag iban nga city councilors.
Sa karun ila pa ginahulat ang desisyon ni Negros Occidental 2nd District Representative Alfredo Marañon III sa pinal nga schedule sang ila oath taking.
Samtang, sa pihak nga bahin, nagkaproblema naman sa Partido Federal ng Pilipinas (PFP) kun sa diin ang concurrent mayor sang Silay City nga si Mayor Joedith Gallego kag si Former Mayor Mark Golez ang nagpanumpa sa PFP kag sila ang mabunggu-anay nga duha sa 2025 midterm election.
Suno kay Gallego, nakighinon-anon na ini kay PFP National President kag South Cotabato Governor Reynaldo Tamayo Jr.
Suno sa alkalde apisar nga may problema sa partido, siya ang magapapili sa gihapon bilang alkalde sa ciudad sang Silay.
