Tatlo ka mag-utod nakuhaan sang masobra P1.3 million nga balor sang illegal nga druga, arestado

Arestado ang tatlo ka mag-utod matapos makuhaan sang P1.3 million nga balor sang illegal nga druga sa Purok Kabugwason, Barangay Mansilingan, Bacolod City, Negros Occidental, kaina alas- 3:01 sang kaagahon.

Ang mga suspetsado ang ginkilala nga sanday Eron Montalban, 35 anyos single, nagatrabaho bilang negosyante; ILyn Montalban, 26 anyos, single, wala sang trabaho kag Irene Montalban, 34 anyos, single, wala sang trabaho kag lunsay mga residente sang nasambit nga lugar.

Nakuha sa paghinakop sang tatlo ang kapin 200 grams sang suspected shabu nga may standard drug price nga P1, 360,000.

Ang tatlo ka suspetsado ang magapangatubang sang kaso sa pagbayolar sa Section 5 kag 11 sang RA 9165 ukon Comprehensive Dangerous Drugs Act of 2002.