Sa baylo nga magpasalamat, ginakondenar sang Presidente sang Bacolod Alliance of Commuters Operators and Drivers Inc. (BACOD) ang pagpadala sang resolusyon sa Senado kag Kongreso agud ipalab-ot ang ila nga concerns.
Suno kay Rudy Catedral, madugay na sila nga nagahingyo nga buligan sang Bacolod City Government, gani kun luyag nga makabulig kuntani sadto palang naghuman na sang resolusyon ang konseho.
Nagabalibad pa ang mga ini sadto kag nagapahayag nga wala na sang mahimo.
Nagapati si Catedral nga nagapahamot lamang si Bacolod City Vice Mayor El Cid Familiaran bangod malapit na ang filing of candidacy para sa 2015 midterm elections.
Panindugan sini nga ulihi na ang tikang sang City Government bangod sila ang yara na sa ital-itala kag ang iban sa ila ang nagsulod na lamang sa consolidation.
Pahayag sini nga nagapakig-angot naman si MANIBELA Chairman Mar Valbuena sa Kongreso kag Senado, kag amo ang ila nga ginasaligan nga makapalawig sa ila pagbyahe matapos ang Mayo 15.
Positibo man ang mga ini bangod madamo naman sang Kongresista kag Senador nga nagpahayag sang pagpamatok sa PUV modernization program.
