Napabilin pa sang Tropical Depression Dante ang kabaskugon sini samtang nagahulag padulong sa naaminhan-nakatungdan nga dereksyon sang Philippine Sea sa kadasigon nga 25 km/h.
Sa atun Tropical Cyclone Bulletin, ang Bagyo ang ulihi nga nasiplatan sa 880 km sa nasidlangan sang Extreme Northern Luzon.
Dala sini ang hangin nga may kabaskugon nga nagadangat sa 55 km/h kag pagmadlos nga tubtob 70 km/h.
Ini ang ginalantaw nga magapabilin sa iya banas tubtob sa masunod nga 24 oras padulong sa Ryukyu Islands kag sa East China Sea.
Sa atun track forecast, nakita nga ang Bagyo DANTE ang mahimo maggwa sa Philippine Area of Responsibility bwas sa gab-i Hulyo 24, ukon sa Biyernes sang kaahagon, Hulyo 25.
May posibilidad nga magbaskog pa sa Tropical Storm category ang Bagyo Dante sa masunod nga 12 oras, apang manubo pa ang tyansa nga ini ang magadangat sa Severe Tropical Storm category.
Ang Bagyo ang wala naman sang derekta nga epekto sa pungsod.
Samtang mataas man ang tyansa nga madevelop bilang Tropical Depression ukon Bagyo ang isa pa ka Low Pressure Area (LPA) nga ginamonitor sa sulod sang PAR sa masunod nga 24 oras.
Ini ang ulihi nga nasiplatan sa 915 km sa nasidlangan sang Northern Luzon.
Subong nga adlaw, lauman ang maulanon nga panahon sa Metro Manila, Benguet, Pangasinan, Tarlac, Pampanga, Bulacan, Zambales, Bataan, Cavite, Laguna, Batangas, Rizal, kag Occidental Mindoro tuga sang Southwest Monsoon ukon Hangin Habagat.
Pugtak-pugtak naman ang pag ulan nga mabatyagan sa nabilin nga bahin sang MIMAROPA, La Union, Nueva Ecija, Quezon, Camarines Sur, Catanduanes, Albay, Sorsogon, Masbate, Antique, Iloilo, Guimaras, kag diri sa atun sa Negros Occidental.
Mangin magal-umon man ang kahawaan nga sarang makatuga sang mga lapta-lapta nga pag-ulan kag thunderstorms sa nabilin nga bahin sang Cordillera Administrative Region, Ilocos Norte, Ilocos Sur, Batanes, Cagayan, kag Isabela tuga sang LPA.
Kasubong man ang mabatyagan nga panahon sa nabilin nga bahin sang Luzon kag Visayas apang tuga naman sang Hangin Habagat.
Samtang, makanay na ang panahon sa Mindanao, magluwas sa mga gulpyada kag makadali nga mga pag-ulan nga epekto gihapon sang Habagat.
