Gintambungan ni US President Donald Trump ang pagperma sang peace deal sa tunga sang Thailand kag Cambodia pag-abot sini sa Malaysia kahapon sang udto.
Nagpalab-ot man si Trump sang iya pagpakig-unong sa kamatayon sang Queen Mother sang Thailand nga si Queen Sirikit, ang iloy sang sa karun nga hari nga si King Vajiralongkorn.
Bangud sa kamatayon sang Queen Mother, ginpaiway ni Thai Prime Minister Anutin Charnvirakul ang iya pagtambong sini sa ASEAN Summit apang nagpasalig nga magatambong siya sa gihapon sang signing sang peace deal kaupod sanday Trump kag ang Prime Minister sang Malaysia.
Ang kasugtanan ang may tinutuyo nga tapuson ang madugay na nga tensyon sa tunga sang Thailand kag Cambodia, nga nagresulta sa kamatayon sang masobra 40 kag pag-evacuate sang 300,000 sang Hulyo.
