Nagpabutyag sang paglaom si Vice President Sara Duterte nga pagapasakaan sang kaso ang mga indibidwal nga yara sa likod sang pagkaaresto sang iya amay nga si former President Rodrigo Duterte, nga sa karun nakadetain sa The Hague, Netherlands.
Nagpagwa sang statement ang bise-presidente matapos ang panawagan si Senator Imee Marcos sa Office of the Ombudsman agud imbestigahan ni Justice Secretary Jesus Crispin Remulla, Interior Secretary Jonvic Remulla, Philippine National Police chief Police General Rommel Marbil, kag CIDG chief Police Major General Nicolas Torre III natuhoy sa pagkaaresto sa anay chief executive.
Ginrekomendar man ni Senator Marcos ang isa ka imbestigasyon sa Special Envoy for Transnational Crimes Ambassador Markus Lacanilao bangud sa ginaalegar usurpation sang official functions.
Bilang sabat, ginpasalamatan ni Duterte ang Senador bangud sa nasambit nga tikang.
