Arestado ang tatlo ka drug personalities sa separado nga drug buybust operation sa Negros Occidental.
Arestado ang 41 anyos nga miyembro sang Bugalon Drug Group sa buybust operation nga ginpatigayon sa Lirazan Street, Barangay 3, Kabankalan City.
Ang suspect ang wala sang trabaho kag residente sang Purok 6, Barangay 2, Kabankalan City kag ginakabig nga High Value Individual.
Narecover gikan sa iya ang tatlo ka gramos sang suspected shabu nga may standard drug prize nga P20,400.
Samtang arestado man ang 22 anyos nga Construction Worker sa buybust operation nga ginpatigayon sa Purok Tayabas, Barangay Zone 15, Talisay City.
Nakuha sa iya paghinakop ang anom ka sachet sang suspected shabu nga ginabanta nagabug-at sang duha ka gramos kag may balor nga P13,000.
Samtang arestado man ang 25 anyos nga babayi sa buybust operation nga ginpatigayon sa Sitio Lapak, Barangay 2, sa banwa sang Ilog.
Ang suspect ang nahibaluan nga residente sang Martires Street, Barangay 7 sa banwa sang Isabela.
Narecover gikan diri ang apat ka sachet sang suspected shabu nga may ginabanta kabug-aton nga 1.5 grams kag may standard drug price nga P10,200.
Ang mga suspect ang natalana nga mangatubang sang kaso sa paglapas sang Republic Act 9165 ukon Comprehensive Dangerous Drugs Act of 2002.
