Ginatinguhaan sa karun ang pagsolbar sang mahina nga supply sang tubig sa ciudad sang La Carlota kasunod sa paglupok sang Bulkan Kanlaon.
Sa interview sang Bombo Radyo Bacolod kay La Carlota City Mayor Rex Jalandoon, may duha ka brgy sa ciudad ang tuman nga naapektohan sa pagnubo sang water supply.
Ini ang ginalakipan sang Brgy San Miguel kag Brgy Guintubdan.
Suno diri, may tatlo ka spring nga amo ang source sang tubig sang duha ka Barangay.
Ang Balagacay spring ang nakontaminar sang paglupok sang Bulkan Kanlaon kag posible nga may yara sang nagsupon sa gina-iligan sang tubig amo nga dutay lang ang naga-abot sa mga pumuluyo.
Samtang ang Guintubdan spring naman ang mahina man gid humalin pa sang nakaligad apang sa karun naglala na gid.
Pahayag sang alkalde, ila ginatiguhaan nga mahatagan sang tubig ang kapin sa 3,000 ka household.
