Nagdangat na sa pito ang narekord nga nadulaan sang kabuhi bangod sa dengue sa probinsya sang Negros Occidental.
Santo sa rekord sang Negros Occidental Provincial Health Office, humalin sang Enero 1 tubtob Abril 5, 2025, may 1,603 ka kaso sang dengue nga narekord kun sa diin may yara sang pagsaka sa 381. 38 percent ukon may pagdugang nga 1,270 nga kaso kumpara sa kaangay nga period sang tinalikdan nga tuig nga yara lamang sa 333 ka kaso sang dengue.
May pinakamadamo nga may dengue cases amo ang ciudad sang Bago kag kabalanan sa mga pasyente ang naga-edad sang 11 tubtob 20 anyos.
Ang Local Government Units nga may dengue death case amo ang banwa sang Isabela, Murcia, Ilog, Manapla kag ciudad sang San Carlos, Silay, kag Bago.
Abiso ni Negros Occidental Governor Eugenio Jose ‘Bong’ Lacson, nga kun makit-an ang sintomas sang dengue, gilayon nga dal-on sa doktor ang indibidwal.
Ginapanawagan man sini sa komunidad nga limpyohan ang ila palibot.
