Maestro nga yara sa ICU, gintapos gid ang paghatag sang grades sa mga estudyante antes ginbawian sang kabuhi

Kita tanan ang magabiya man diri sa kalibutan apang pinasahi ang gin-ubra sang isa ka maestro bangud bisan may balatian nga ginabatyag si Alejandro Navarro nagpadayon sa iya obligasyon.

Antes siya magpa-ospital, ginhimos sini ang laptop kag charger sa handom nga tapuson ang paghatag sang grade sa mga progress reports sang iya mga estudyante.

Apisar nga bag-o lamang nakagwa sa Intensive Care Unit (ICU) kag samtang yara sa hospital bed, isa-isa sini ginhatagan sang grado ang mga estudyante kag ginsiguro sini nga wala sang may mabilin bisan isa.

Sa masunod nga adlaw, nagtaliwan ang maestro.