Ginpahayag sang Punong Barangay sa Barangay 1, Bacolod City nga kun madayon nga ma-extend sa anum ka tuig ang term sang elective Barangay and Sangguniang Kabataan Officials, mas pabor ini sa pumuluyo.
Aprubado sa third and final reading sa House of Representatives ang hagna nga may tinutuyo nga i-extend ang ila termino sa anumka tuig imbes nga tatlo ka tuig lamang.
Sa plenary session sang Lunes, 153 ka mga kongresista ang nagboto nga approved sa House Bill 11287 sa third and final reading, apat ang nagpamatok kag isa ang nag-abstain.
Sa idalum sang hagna, ang synchronized Barangay and SK elections ang dapat patigayunon kada anum ka tuig sa ikaduha nga Lunes sang Mayo sumugod 2029.
Sa interview snag Bombo Radyo kay Punong Barangay Cesar Rellos, kun maayo lang man magserbisyo ang punong brgy wala sang problema sa extension sang termino bangod ini ang makapabor pa sa mga pumuluyo.
