Ala-1:00 kaina sang kaagahon, nakagwa na sa Philippine Area of Responsibility ang anay Low Pressure Area nga nagbaskog bilang Bagyo nga ginhingadlan Tropical Depression FABIAN kahapon sang aga.
Ini ang liwat naman nga naghuyang sa Low Pressure Area alas-2:00 kaina sang kaagahon.
Ang LPA ang ulihi nga nasiplatan 365 km sa nakatungdan sang Laoag City, Ilocos Norte.
Ini ang wala man sang derekta nga epekto sa diin man nga bahin sang Pungsod.
Sa karun, Hangin Habagat ukon Southwest Monsoon ang naga-apekto sa dako nga bahin sang Pungsod.
Ang Habagat ang magadala sang magal-umon nga kalangitan, nga makatuga sang mataas nga tyansa sang pag-ulan nga may kaupod nga pagpangilat kag pagpanaguob partikular na sa Southern Luzon kag pila ka bahin sang Visayas.
Gani padayun ang atun pahanumdom sa paghalong sa posibilidad sang pagluntad sang mga pagbaha kag landslide.
Samtang ang ginamonitor nga Bagyo sa gwa sang PAR, ukon ang Tropical Storm PODUL ang ulihi nga nasiplatan sa 2,220 km sa nasidlangan sang Extreme Northern Luzon.
Dala sini ang hangin nga nagadangat sa kabaskugon nga 85 km/h kag pagmadlos nga tubtob 105 km/h, samtang nagahulag sa West Northwestward nga dereksyon sa kadasigon nga 15 km/h.
Sa karun, ini ang wala pa sang epekto sa diin man nga bahin sang pungsod.
Apang sa latest forecast track, ginalantaw nga padayun nga magahulag sa kadagatan sa Northwestward ukon Westward nga dereksyon ang Bagyo kag mahimo magsulod sa PAR bwas sa gab-i ukon sa Lunes sa aga.
Antes magsulod sa PAR, ginalantaw nga ini ang magasanyog pa sa Typhoon category kag hingadlan nga Bagyo GORIO.
Sa latest forecast track cone of probability, ginalantaw nga mahimo magnubo ang banas sang Bagyo kun sa diin malab-ot sang mabaskog nga hangin kag pag-ulan ang Exreme Northern Luzon.
Apang sa karun, manubo pa ang tyansa nga ini ang matabo, kasubong man manubo ang tyansa nga mapabaskog sang bagyo ang hangin Habagat.
Mahimo pa nga magbag-o ang hulag sang bagyo, gani padayun nga magbantay sa atun nga mga weather updates.
