Alas-2:00 kaina sang kaagahon, ang Low Pressure Area nga ginamonitor sa sulod sang Philippine Area of Responsibility ang nagbaskog na bilang Tropical Depression “HUANING”.
Alas-4:00 kaina sang kaagahon ang Bagyo ang ulihi nga nasiplatan sa 520 km East Northeast sang Itbayat, Batanes.
Dala sini ang hangin nga nagadangat sa kabaskugon nga 45 km/h kag pagmadlos nga tubtob 55 km/h.
Ang Bagyo ang nagahulag sa North northwestward nga dereksyon sa kadasigon nga 10 km/h.
Santo sa atun latest track kag intensity forecast, ginalantaw nga magahulag generally sa nakatungdan nga dereksyon ang bagyo HUANING tubtob karun sa gab-i, kag magaliko sa north northeastward nga dereksyon bwas sa kaagahon padulong sa Ryukyu Islands sa Japan.
Ginalantaw nga makagwa sa Philippine Area of Responsibility ang Bagyo HUANING karun sa gab-i ukon bwas sa aga.
Samtang ang isa pa ka LPA nga ginamonitor sa gwa sang PAR, ang nakagwa na sa monitoring domain.
Lauman ang magal-umon nga panahon nga makatuga sang lapnagon nga mga pag-ulan nga kun kis-a may kaupod nga pagpanaguob ukon thunderstorms sa Ilocos Region, Zambales, kag Bataan tuga sang Trough ukon ikog sang Tropical Depression HUANING.
Samtang apektado naman sang Southwest Monsoon ukon Hangin Habagat ang Palawan, nga makaeksperyensya sang makanay nga panahon, apang may posibilidad gihapon sang mga tumalagsahon nga mga pag-ulan ukon thunderstorms.
Mangin makanay naman ang panahon sa nabilin nga bahin sang pungsod, magluwas sa mga gulpyada kag makadali nga mga pag-ulan nga mahimo matuga sang Localized Thunderstorms.
