Ipresentar na sa masunod nga semana ang ammendment sa penalidad para sa indi insakto nga paghaboy sang basura sa ciudad sang Bacolod.
Sa interview sang Bombo Radyo kay Bacolod City Councilor Homer Bais, Chairman sang Committee on Environment and Ecology, isa sa gina-adress sa karun sang Sangguniang Panlungsod ang enforcement sa mga nagalapas sa anti-littering ordinance.
Una na nga naghambal si Mayor Greg Gasataya nga pasakaan ang penalidad sa anti-littering ordinance.
Suno kay Bais, santo sa national law ang maximum nga penalidad yara sa P2,000 kag sa ciudad sang Bacolod ang first offense yara sa P500 tubtob sa P1,000 para sa succeeding offenses.
Pahayag ni Bais, ipresentar sa session ang ammendment kag mapatawag sang public hearing agud mapahibalo sa publiko ang angot diri.
