May pila gid sa atun indi nanamian nga magpamati sang nagahuragok sa oras nga magtulog.
Isa ka man bala sa ila? Ano ang ginahimo mo para masolbar ang nasambit nga problema?
Pinasahi naman ang gin-ubra sang 18 anyos nga lalaki sa Ichibara, Japan matapos ini ang gin-aresto bangod sa tuyo nga pagpatay sa iya 53 anyos nga tiyo.
Ini paagi sa paghilo sang pagkaon sang biktima.
Santo sa report, ginbutangan sang lalaki sang toxic nga oleander plant ang miso soup sang iya tiyo.
Gilayon naman nga gindala sa ospital ang biktima matapos nga naghabok ang baba sini kag nagsakit ang tiyan.
Santo sa panaysayon sang suspek, nahimo sini ang pagpanghilo bangud indi na siya maka-agwanta sa magahod nga huragok sang iya tiyo.
Maswerte naman nga naka-recover ang biktima samtang priso ang iya hinablos kag nagapangatubang sang kaso nga attempted homicide.
