Ginpasiguro sang Philippine National Police kag Armed Forces of the Philippines nga magapabilin sila nga nakaalerto kasunod sang mga ginapatigayon nga rally-protest sang nagkalain-lain nga grupo nga may tinutuyo nga ipabutyag ang ila pagpamatok sa mga anomaliya.
Ang ini nga desisyon ang ginhimo agud masiguro ang peace and order sa tunga sang padayon nga panawagan para sa transparency kag accountability sa gobyerno.
Sa pihak sang pagtaya sang PNP nga nangin malinong ang mga rally protests, nagapabilin sa gihapon ang ila pagkaalerto.
Ini agud mangin preparado sa anuman nga posible nga scenario agud mapunggan ang anuman nga ginamo nga posible nga magtuhaw.
Samtang, ginpahayag naman ni AFP Spokesperson Col. Francel Margareth Padilla nga nagapabilin nga Red Alert status ang ila mga personnel.
