Preparado ang Bacolod Police Station 1 sa pagbantay sa patigayunon nga protest-rally sa Bacolod City Public Plaza subong nga adlaw.
Sa interview sang Bombo Radyo Bacolod kay Police Captain Francis Depasucat, station commander sang Bacolod Police Station 1, sila ang preparado na matapos mabatun ang notice angot sa Resist Corruption, Defend People’s Rights March nga kadungan sa 77th Anniversary sang United Nation’s International Human Rights Day.
Ang martsa ang maga-umpisa sa Negros Occidental Capitol Lagoon ala-1:30 sang hapon.
Ang anti-corruption protest sa Bacolod City Public Plaza Replica ang magasugod naman alas-2:00 kag magatakop alas-5:00 sang hapon.
Ang March-Rally ang pangunahan sang One Negros Ecumenical Council (ONE-C), Taumbayan Ayaw sa Magnanakaw at Abusado Network Alliance (TAMA NA! ALLIANCE-Negros), kag Human Rights Advocates in Negros (HRAN), samtang ginapanawagan man sa iban nga updan ang ila kawsa.
Pahanumdom lamang ni Depasucat sa mga maga-upod sa March-Rally nga ini ang patigayunon nga matawhay kag magsunod sa mga ginapatuman nga pagsulundan.
