Nangin keynote speaker sa opening sang Negros Island Regional Athletic Association Meet (NIRAAM) 2026 nga ginpatigayon sa Panaad Park and Stadium sa Barangay Mansilingan, Bacolod City kahapon, Marso 1, 2026 si DepEd Undersecretary Atty. Peter Irving C. Corvera.
Sa mensahe ni Corvera, ginhighlight sini nga ang sports ang wala na ginakonsiderar bilang extra kundi kinahanglanon bangud ini ang instrumento agud nga mapalayo ang mga pamatan-on sa katalagman.
Suno pa diri ang hinampang ang nagatudlo man sa mga kabataan sa pag-develop sang sportmanship kag resilience.
Dugang pa sini nga nagapati siya nga ang mabakod nga pungsod ang may yara sang mabakod kag disiplinado nga mga pamatan-on.
Suno diri nagkalain-lain nga ciudad kag probinsya ang magapaindis-indis agud nga malab-ot ang isa ka handom bangud ang goal ang mas dako kun ipaanggid sa makuha nga medalya.
Nagpasalamat ini sa mga technical officials nga yara nga magabantay agud nga mangin patas ang hampang.
Ginpasalamatan man sini ang mga una nga mga fans sang mga atleta ang mga ginikanan bangud kun wala ang suporta sang mga ini indi matigayon ang regional meet.
