Ginpahayag ni Engr. Leomel Tambanillo, Assistant Vice President for Planning and Business Operation sang Negros Electric and Power Corporation nga lauman nga may yara sang pagbag-o sa generation charge bangod sa nagapadayon nga giyera sa Middle East.
Sa interview sang Bombo Radyo kay Tambanillo, bisan nga yara sa Middle East ang giyera, maka-apekto ini sa gihapon sa Pilipinas.
Suno diri, may yara ini sang impact sa generation charges nga sa karun indi pa mabatyagan apang mahibaloan kun ano ang epekto sini sa bill sang generator sa bulan sang Marso.
Nagpahanumdom ini nga magkinot sa paggamit sang kuryente kaangay sa pag-turn off sa mga appliances nga wala ginagamit, paghagan-hagan sa paggamit sang air conditioner kun indi man tuman ka init kag iban pa agud ind matam-an sa balayran sa kuryente.
