-- ADVERTISEMENT --
May yara sang sistema nga sundon sa paghatag sang ayuda para sa mga tricycle drivers sa ciudad sang Bacolod.
Suno kay Bacolod City Mayor Greg Gasataya, may yara sang nagakalain-lain nga venue kun diin patigayonon ang pay out kag suno diri, indi man pwede nga isa lang ka adlaw ang pagpanagtag bangod posible nga pipila na lang ang mabyahe sa dalanon.
Suno sa alkalde, ginavalidate na kag ginatsekyar ang final list sa makabaton sang ayuda kag kun may yara sang indi maqualify, ila pagatun-an kun ano ang rason.
Ang mga tricycle drivers makabaton sang P5,000 nga financial assistance kag halos tanan nga Local Government Units mapatigayon sang pay out sa Abril 8.
