Nangin malinong kag matawhay ang inisyal nga assessment sang Philippine National Police (PNP) para sa kabug-usan nga pag-obserbar sang Holy Week Exodus sini nga tuig.
Suno kay PNP Chief Gen. Jose Melencio Nartatez Jr., wala sang narekord nga mayor nga insidente nga nakaapekto sa bug-os nga pag-obserbar sang Lenten Season.
Suno diri, nagapabilin nga prayoridad sang kapulisan ang luwas nga pagpauli sang mga pasahero matapos ang masobra isa ka semana nga pagpamalandong.
Ginpahayag ni Nartatez nga bilang pagpakita sang ila nga commitment sa safety kag order, kapin 98,000 ka mga miyembro sang PNP ang magapabilin nga deployed sa nagkalain-lain nga lugar.
Ini ang gindeploy sa nagkalain-lain nga tourist attractions sa pungsod, mga transportation hub kag sa mga dalanon.
Matapos sini, liwat nga ginpahanumdom sang hepe ang mga motorista nga magpabilin nga kalmado sa ila pagbiyahe kag likawan ang road rage incidents.
Samtang, magapabilin naman ang alert level sang kapulisan agud masiguro nga matawhay ang byahe sang mga pasahero.
