Nagapati ang Political Analyst nga napamatud na sang una nga witness sang House Prosecutor nga guilty si Vice President Sara Duterte sa Article 4 sa ikaduha anga adlaw sang iya impeachment trial kahapon.
Madumduman nga ginpakita sa impeachment court ang video nagikan sa USB drive nga gin-submit sang Witness nga si National Bureau of Investigation (NBI) Senior Agent John Mark Calilung nga naga-unod sang video evidence sa fourth article of impeachment (grave threats) batok sa Bise Presidente sa pagmando nga i-assassinate si President Ferdinand Marcos Jr., First Lady Liza Araneta-Marcos kag former House Speaker Martin Romualdez.
Sa interview sang Bombo Radyo kay Atty Jomax Ortiz,ginpahayag sini nga indi na kinahanglan pa sang iban nga House Prosecutor Witness bangud may kredibilidad kag klaro ang pagpresentar ni Calilung sa video evidence batok kay VP Sara.
Suno kay Ortiz, ini ang isa sa rason kun ngaa ginpa-exclude si Calilung sa defense team sang Bise Presidente bilang witness sa trial bangud ini ang naga-authenticate sa video clips ni VP Sara.
Sa pihak sini, ginpahayag ni Ortiz nga maayu kag kabalo magdala si Presiding Officer Francis “Chiz” Escudero sa impeachement trial sang Bise Presidente.
