Agricultural groups, nagapati nga ang postponement sang P20 per kilo rice program ang nagapakita nga pagpanginto lamang ang programa

Nagapati ang mga agricultural groups nga Kilusang Mambubukid ng Pilipinas kag Amihan National Federation of Peasant Women nga ang pagpostpone sang rollout sang P20 per kilo rice program ang nagapakita nga ini ang indi sustainable kag isa ka “grand deception.”

Ini matapos gin-anunsyar sang Department of Agriculture nga ginpostpone ang implementasyon sang programa sa Mayo 13 agud maghatag sang ligwa sa napulo ka adlaw nga ban sa government spending bangud sa Eleksyon subong nga bulan.

Suno sa grupo, sa sugod pa lamang, natalana na nga indi mangin madinalag-on ang Bente Bigas Mo program bangud sa Rice Liberalization Law, nga naghukas sang mga importation restrictions apang nagpatuman sang mga taripa sa bugas nagikan sa abroad.