Nag-abanse sa round of 16 sang Indian Wells Open ang rising Filipina Star nga si Alex Eala matapos mag-atras ang iya nangin kontra nga si Coco Gauff bangud sa ginasuprer nga injury sa ila nga third-round match sang Dominggo, Marso 8.
Nagapanguna si Eala sa score nga 6-2, 2-0 sang mag-surrender si Gauff matapos makabaton sang medical treatment para sa iya nawala nga abaga.
Suno kay Eala, wala niya ginapangabay nga madaog sa amo nga pamaagi apang suno sa iya, dako nga pasidungog nga makahampang siya sa Stadium One sang Indian Wells kag makaatubang ang isa sa mga maayo nga kontra.
Dugang pa sini, ginapangabay sini ang madasig nga pag-ayo ni Gauff.
Sa nasambit nga hampang, ginhatagan sang trainer si Gauff agud mag-assist sa iya nga gina-suprer matapos siya mapierde sa katapusan nga hampang sang opening set.
Sang wala nagdugay, naghambal ini nga indi na niya ipadayon ang hampang.
Samtang, sa masunod nga hampang pagaatubangon ni Eala si Linda Noskova sang Czech Republic para sa quarterfinals sang torneo.
