Aminado ang Filipino sa Houston, Texas, USA nga nakibot ang kalabanan nga si American Cardinal Robert Francis Prevost ang ginpili nga Santo Papa.
Sa interview sang Bombo Radyo Bacolod kay Noor Moraña, Bombo International News Correspondent sa Houston Texas, nalipay kag naoverwhelmed sila apang madamo man sang nakibot bangud wala sang nag-ekspektar nga isa ka American ang bag-o nga Pope.
Nagpadangat naman sang pagpanginbulan si US President Donald Trump.
Suno diri, sa personal sini nga paglantaw, sa tion nga nangin Santo Papa si Cardinal Robert Francis Prevost, indi na ini American kundi isa na ka Roman.
Ini bangud siya ang magaserbe na sa 1.4 billion Roman Catholics sa bug-os nga kalibutan.
Ang pinakauna naman nga nagpalab ot sang mensahe sang first time nagwa si Pope Leo XIV sa terrace sang Basilica amo si US Vice President JD Vance.
Suno kay Moraña ang bag-o nga Santo Papa ang nabun-ag sa Chicago, Illinois kag nagdugay sa Peru kun sa diin isa na ini ka naturalized citizen sang nasambit nga pungsod.
Madamo ang nakibot bangud wala gid nagwa ang pangalan sini sa mga nagapanguna nga mga pangalan sang cardinals nga ginapilian agud mangin Santo Papa.
Nahibaluan nga si Pope Leo XIV ang pinakauna nga American Cardinal nga nangin Santo Papa sa maragtas sang Simbahang Katoliko.
