Apat na ka mga miyembro sang Northern Negros Front sang New People’s Army (NPA) ang sunod-sunod nga nagsurrender sa militar matapos madugangan sang isa kahapon.
Nahibaluan nga ang mga nagsurrender ang kabahin sang grupo ni Arnel Tapang nga may patong sa ulo nga P1 million.
Ang mga ini man ang naka-engkwentro sang mga militar sa serye sang mga encounters sang Pebrero 21 tubtob 27 sa ciudad sang Escalante.
Kasunod sang engkwentro, duha ang namonitor nga nagpalagyo sa Manila kag ang iban ang naglie low.
Sa bulig sang ila nga intel counterparts sa Manila partikular na sang Naval Intelligence and Security Force, nahimo nga matultol ang duha sang Domingo.
Sila ang gilayon man nga nagsurrender kag ginbyahe pabalik sa Negros Occidental kag yara na sa karun sa kustodiya sang 79th IB.
Kasunod sang pagsurrender sang duha, may isa pa ka miyembro ang gilayon man nga nagsungka diri sa probinsya matapos mahibaluan nga nagsurrender na ang iya mga kaupdanan.
Gintudlo naman sang mga ini kun sa diin nila gintago ang mga armas luthang bangod ini ang wala man nila madala sa pagtabok sa Manila.
Kahapon, nadugangan pagid sang isa ang mga nagsungka.
Ang mga ini ang maka-avail sang amnesty program ang militar sa kolaborasyon sang Escalante City Task Force to End Local Communist Armed Conflict.
