Ginkondernar ni President Ferdinand Marcos Jr. ang pagpangluthang kay former US President Donald Trump sa isa ka political rally sa Pennsylvania sang weekend kag ginpahayag nga siya ang nalipay nga luwas kag nagarecover na ang Republican presidential candidate.
Sa social media, ginpahayag ni Marcos nga kaupod ang tanan nga mga persona nga nagapalangga sang demokrasya sa bilog nga kalibutan, ginakondenar sini ang tanan nga sahi sang political violence kag ang tingog sang mga pumuluyo ang dapat nga magpabilin nga supreme.
Samtang, ginkondenar man ni former President Rodrigo Duterte ang assassination attempt batok kay former US President Donald Trump sa nasambit nga campaign rally.
Suno kay Duterte, ang pagpangluthang sa US Republican candidate ang isa ka “chilling indictment of our times.”
Sang 2017, nakigkita si Duterte kay Trump sang nagbisita ini sa Pilipinas para sa ASEAN Summit.
Nagalaom ini sang madasig nga recovery para kay Trump nagikan sa iya mga pilas kag trauma nga gintuga sang assassination attempt.
