Napabilin sang Severe Tropical Storm “KRISTINE” ang kabaskugon apang nagdasig naman ang hulag samtang yara sa nakatungdan nga kadagatan sang Northern Luzon.
Ang bagyo ang ulihi nga nasiplatan 125 km West Northwest sang Bacnotan, La Union.
Ini ang nagadala sang hangin nga may kabaskugon nga nagadangat sa 95 km/h kag pagmadlos nga tubtob sa 115 km/h.
Ang bagyo ang nagahulag sa West Northwestward nga dereksyon sa kadasigon nga 25 km/h.
Yara sa gihapon sa idalom sang Tropical Cyclone Wind Signal no. 2 ang Cagayan kalakip ang Babuyan Islands, Isabela, Quirino, Nueva Vizcaya, Apayao, Kalinga, Abra, Ifugao, Mountain Province, Benguet, Ilocos Norte, Ilocos Sur, La Union, Pangasinan, Aurora, Nueva Ecija, Tarlac, Zambales, Bataan, Pampanga, Bulacan, Metro Manila, naaminhan nga bahin sang Cavite, naaminhan nga bahin sang Rizal, kag naaminhan nga bahin sang mainland Quezon.
Tropical Cyclone Wind Signal no. 1 naman sa Batanes, nabilin nga bahin sang Rizal, nabilin nga bahin sang Cavite, Batangas, Laguna, nabilin nga bahin sang Quezon kalakip ang Polillo Islands, Occidental Mindoro kalakip ang Lubang Islands, Oriental Mindoro, Marinduque, Romblon, naaminhan nga bahin sang mainland Palawan kalakip ang Calamian, Cuyo, kag Kalayaan Islands, Camarines Norte, Camarines Sur, Catanduanes, Albay, northern kag central portions sang Sorsogon, northern kag central portions sang Masbate kalakip ang Ticao kag Burias Islands sa bahin sang Luzon.
Kasubong man sa Aklan, Capiz, Antique kalakip na ang Caluya Islands, Iloilo, Bantayan Islands, nakatungdan nga bahin sang Northern Samar, kag naaminhan nga bahin sang Samar.
Ang Bagyo Kristine ang ginalauman nga magahulag west northwestward padulong sa nakatungdan nga dereksyon sa masunod nga 48 oras kag maggwa sa Philippine Area of Responsibility (PAR) karun sa hapon.
Apang yara ang posibilidad nga magaliko ang Bagyo Kristine sa West Philippine Sea sa Domingo ukon sa Lunes kag magabalik sa nasidlangan nga bahin sang PAR.
Apang ini ang mahimo pa nga magligwat depende sa hulag sang bagyo nga yara sa nasidlangan sang PAR region.
Samtang yara sa West Philippine Sea, ang bagyo ang ginalantaw nga magabaskog pa kag mahimo magpabilin bilang Severe Tropical Storm tubtob sa masunod nga lima ka adlaw.// Malayo naman ang tyansa nga ini ang magdangat sa Typhoon category
