Preparado na ang Bacolod City Police Office sa deployment para sa Christmas lights-on ceremony kag parade of lights sa Bacolod City Governmenmt Center sa Disyembre 7, sang gab-i.
Sa interview sang Bombo Radyo Bacolod kay Police Major Elmer Bonilla, Station Commander sang Bacolod Police Station 4, ini ang tuigan na nga activity nga ginahiwat sang STI West Negros University kag Bacolod City Government.
May parade halin sa Burgos St, padulong sa Circumferential Road tubtob sa BCGC.
Nagpaandam man ini sa road closure sa bahin sang Burgos St sa hapon sang Sabado.
Suno kay Bonilla, kapin sa 80 ka mga police ang igadeploy sa BCGC agud magbantay kag maghatag sang security.
Panugyan sini, dapat mangin aware ang mga luyag nga magkadto nga maghalong kag magulu-aligmat sa palibot.
