Gin-highlight sang Chief of Staff sang Armed Forces of the Philippines sa pagbisita sini sa headquarters sang 79th Infantry Battalion sang Philippine Army, ang dako nga importansya sang kooperasyon sang komunidad sa madinalag-on nga Toboso encounter.
Sa pahayag ni Gen Romeo Brawner Jr, luwas sa makabag-o nga mga teknolohiya nga magamit sa mga operasyon, ang pinaka-importante nga engridients sa madinalag-on nga combat operations amo ang pagsalig sang mga pumuluyo.
Pahayag sini nga ang mga sibilyan mismo ang nagtudlo nga may mga presensya sang New People’s Army sa Brgy Salamanca, Toboso.
Suno kay Brawner, ini ang nagapakita lamang nga kapoy na ang mga pumuluyo sa mga rebelde nga nagapatay sang inosente.
Humalin tinalikdan nga tuig, nagdangat sa 306 ang pagpatay nga gin-ako sang NPA sa Northern Negros; samtang 26 naman ang sa Southern Negros.
Bangod sa accomplishment, naglisensya si Brawner kay Defense Secretary Gibbo Teodoro nga bisitahon ang 79th IB headquarters sa Sagay City agud kilalahon ang effort sang tropa.
Nagtext man sa iya si President Ferdinand Marcos, agud ipalab-ot ang mensahe sini nga siya ang proud man sa mga kasuldaduhan.
