Gin-inspection sang Commission on Election ang mga buluthuan nga himoon bilang alternative polling precinct para sa mga botante nga gin-evacuate kasunod sa paglupok sang Bulkan Kanlaon.
Suno kay Negros Occidental Election Supervisor Atty. Ian Lee Ananoria, naglibot ini sa banwa sang La Castellana kag ciudad sang Bago kag La Carlota kag ginlantaw ang mga eskwelahan.
Suno diri sa banwa sang La Castellana yara ang St Vincent High School, kag sa ciudad sang La Carlota yara man ang La Carlota City High School.
Ang mga eskwelahan nga napili bilang alternative polling precinct ang malapit lang man sa mga evacuation centers.
Ginahulat na lamang ang approval sang COMELEC en banc para sa bag-o nga polling precinct sa mga nadislokar nga botante.
Igapreparar man ang mga buluthuan nga gamiton nga butangan sang kuryente kag kun ano pa ang kinahanglanon para sa May 12 elections.
