Naguba ang isa ka commercial ship nga nagabyahe sa Red Sea sa Yemen matapos gin-atake sang isa ka drone nga ginasuspetsuhan nga gina-operate sang Houthi militia.
Ang pagpang-atake sa Red Sea ang natabo pila lamang ka oras matapos ginclaim sang Houthis nga ila gintarget ang mga barko sa Israel, sa Red Sea kag sa Arabian Sea.
Ini matapos man nga nagbiya na sa Red Sea ang USS Dwight Eisenhower, aircraft carrier sang Estados Unidos, matapos ang walo ka bulan nga deployment sa baybayon bilang American response sa Houthi assaults.
Suno sa UK Maritime Trade Operations, ini ang ginpahibalo lamang sang master sang isa ka commercial ship natuhoy sa isa ka uncrewed aircraft system nga nag-igo kag nagguba sang barko sa Red Sea, 65 nautical miles west sang Hodeidah sa Yemen, kag luwas naman ang mga miyembro sang crew.
Suno diri, ang barko ang nagapadulong sa masunod nga puerto.
Suno sa Ambrey, isa ka UK maritime security service, ang barko ang isa ka “fully cellular container ship” nga nagabyahe nga may Liberian flag.
Nagpasalig naman si Department of Migrant Workers Secretary Hans Leo Cacdac nga ang mga Pinoy seafarers nga onboard sa barko ang lunsay yara sa maayo nga kahimtangan kag nagapakig-angot ang mga ini sa ila mga pamilya.
