BACOLOD CITY — Pat-ud ang labor sector nga magasaka na gid ang unemployment rate sa pungsod sa tion nga ipatuman ang deployment ban sa Kuwait.
Sa interview sang Bombo Radyo, ginpahayag ni General Alliance of Workers Association secretary-general Wennie Sancho nga ang mga Pinoy nga nagpauli ukon magapauli nagikan sa Kuwait ang magadugang naman sa linibo ka mga graduates sa Marso ukon Abril nga wala sang sudlan nga trabaho.
Sa tion suno kay Sancho nga matukiban nga undocumented ang Pinoy nga mapatay sa luwas sang pungsod, magabalik gihapon ini sa employment opportunities sa Pilipinas bangud nakalusot ang mga iligal.
Ang nagakatabo sa karon suno kay Sancho ang tuman kasubo para sa labor sector ilabi na nga nagmahal ang mga balaklon bangud sa Tax Reform for Acceleration and Inclusion Act.
Apang gin-athag sini nga wala nagakontra ang GAWA sa deployment ban bangud may yara sang rason.
