Bangud sa gyera sa Israel, ginpahayag sang Department of Migrant Workers nga ginadumilian anay ang deployment sang mga newly hired overseas Filipino worker sa Iran kasubong man sa Jordan bangud border ini sang Israel.
Suno kay DMW Secretary Hans Cacdac, ginadumilian ang new hires apang ginapahanugutan naman ang mga returning OFWs apang indi sila sa gihapon makabyahe bangud sirado ang airspace.
Nagpagwa ang DMW sang Advisory No. 19 series 2025 nga nagapahayag nga ginadumilian ang pagpadala sang OFWs sa Israel, Iran, Jordan kag Lebanon.
Gin-abisuhan naman ni Cacdac ang mga OFW nga magapadulong sa Jordan nga ipaiway anay ang ila byahe bangud nahamtang ini sa border sang Israel.
Una na nga may ginpatuman nga deployment ban sa Israel bangud sa nagluntad nga pagpang-atake sang Hamas sang Oktubre 2023.
