Ginpatpat sang abugado ang layi nga ginbasehan kun ngaa naaresto kag nakapiyansa man gilayon si anay Negros Oriental Governor Pryde Henry Teves.
Kahapon sang aga, gin-aresto si Teves sang Philippine National Police – Criminal Investigation and Detection Group (PNP-CIDG) di Teves sa Dumaguete City bangod sa paglapas sa Terrorism Financing, Prevention, and Suppression Act of 2012.
Ang warrant of arrest ang gin-issue sang Seventh Judicial Region, Branch 74 – Cebu City sang Mayo 13 kag P200,000 ang gintalana nga pyansa.
Ang anay gobernador ang nagapanguna sa listahan sang Most Wanted Persons (MWP) sa provincial kag regional level.
Apang kahapon sang hapon temporaryo nga nakagwa ini matapos nga nakapiyansa sang P600,000 para sa 3 counts violation sang Terrorism Financing, Prevention, and Suppression Act of 2012.
Sa interview sang Bombo Radyo Bacolod kay Atty. Jomax Ortiz,.ang ginbasehan sa pag-aresto kay Ortiz amo ang violation sang Terrorism Financing, Prevention and Suppression Act of 2012 kag indi ang Anti Terrorism Act of 2020, ang layi nga ginpasar sa tion ni anay President Rodrigo Duterte.
Suno kay Ortiz, ang trial court sa Cebu ang nagpagwa sang warrant of arrest kag sang nakita sang anay gobernador sang Negros Oriental nga P200,000 ang piyansa, nagbayad ini gilayon.
Suno diri, bangud temporaryo nga nakagwa si Teves, kinahanglan nga magatambong ini sa tanan nga hearing.
Ginpahayag man sini nga ang kaso ni Pryde ang indi mabug-at kag ginalantaw man sini nga mahapos man malubad ni expelled Negros Oriental 3rd District Representative ArnieTeves ang kaso sini sa tion nga matapos man ang extradition case sa Timor Leste.
Suno pa diri, sa nagakatabo sa karun, ginalantaw sini nga ginahimo ini agud nga mapakita nga may gahom si Presidente Marcos bangud ginalantaw siya sang mga pumuluyo nga mahina.
Ginpahayag sini nga ang natabo nga paghingabot sa mga Teves kag ang pagresign ni Sara amo ang bangud sa pamulitika.
