BACOLOD CITY – Madugay pa antes makalab-ot sa Committee on Justice sang Kamara de Representantes ang impeachment complaint nga ginpasaka ni Magdalo Partylist Cong. Gary Alejano batok kay Presidente Rodrigo Duterte.
Suno kay House Committee on Justice Chairman kag Oriental Mindoro 2nd District Rep. Reynaldo Umali, pagalantawon pa sang Secretary General sang Kamara kun nakapasar sa mga rekisitos sa formality ang complaint ni Alejano.
Matapos sini, iga-endorsar ini kay House Speaker Pantaleon “Bebot” Alvarez antes ipasa sa House Rules Committee.
Gikan diri, amo pa lamang kag makalab-ot sa komitiba ni Umali ang reklamo ni Alejano.
Ginpabutyag sang mamalidha, nga tuman pa kalawig ang proseso ang pagaagyan antes mag-padayon ang impeachment proceedings.
Nahibaluan nga ang House Committee on Justice ang may importante nga papel bangud magaagi diri ang reklamo antes magboto ang bug-os nga Kamara kun ang complaint mangin “Articles of Impeachment”.
