Nagsugot na ang International Criminal Court (ICC) nga malakip ang 500 ka aplikante nga mga biktima sang crimes against humanity batok kay anay presidente Rodrigo Duterte.
Sa ginpagwa nga desiyson sang Pre-Trial Chamber I, natapos na nila ang findings sang Victims Participation and Reparation Section (VPRS) angot sa assessment sang 227 ka aplications para sa 500 ka indibidwal.
Wala sila sang may nakita nga problema sa assessment sang VPRS, gani gin-otorisa nila ang 500 ka Group A applicants nga makilakip bilang mga biktima sa hearing.
Igapresentar man sila sang Common Legal Representative for Victims nga amo man ang una nga nagrepresentar sang nauna nga mga biktima.
Sang Enero 28, 2026, una na nga ginhingyo sang Chamber nga handa sila sa pagbaton sang dugang nga mga biktima.
Gina-atubang sang anay presidente ang kaso nga crimes against humanity bangod sa murder kag attempted murder sa ICC nga may kaangtanan sa iya kampanya batok sa ilegal nga droga.
 nagpahanugot na nga makilakip ang 500 ka aplikante nga biktima sang crimes against humanity batok kay anay presidente Rodrigo Duterte){kind=link}