Nagpanawagan ang hepe sang Murcia Municipal Police Station sang kooperasyon sang mga pumuluyo sa pagsolbar sang kaso sa pagmassacre sang tatlo ka miyembro sang pamilya sa Sitio Guinam-an, Barangay Buenavista, Murcia, Negros Occidental kagab-i.
Ang mga biktima ang ginlakipan sang amay nga si Neldy Celayes, 59 anyos, iloy nga si Josephine Celayes, 60 anyos kag ang ila bata nga si Jovie Celayes, 33 anyos.
Sa interview sang Bombo Radyo Bacolod kay Police Major Sherwin Fernandez, sa inisyal nga imbestigasyon, ginpahayag sang mga pumuluyo sa palibot nga sila ang nakabati sang lupok apang ginpinsar nga ini ang firecrackers lamang.
Nahibaluan nga masami may nagapalupok sa area agud panabog sa mga masabad nga kasapatan.
Nasapwan ang mga bangkay kapin alas-5:00 kaina sang kaagahon sang may magapanag-ob kuntani sa bubon kun sa diin yara ang lawas ni Jovie.
Sa karun, wala pa sila sang nakita nga motibo sa krimen kag mahimo suspect gani panawagan ni Fernandez sa mga pumuluyo nga magkooperar agud mahatagan sang hustisya ang kamatayon sang mga biktima.
Ang mga biktima ang may igo sang gina-alegar bala sa nagkalainlain nga bahin sang lawas apang hulaton pa nila ang kumpirmasyon sang Scene of the Crime Operation.
Wala man sang nadula nga pagkabutang sa balay sang mga biktima.
Samtang ginpahayag naman sang Punong Barangay sa Brgy Buenavista nga magahatag man sang bulig ang Barangay sa mga biktima.
Sa interview sang Bombo Radyo Bacolod kay Punong Barangay Trinidad Yntatano, wala ini sang ideya sa natabo kag siya ang gincontact na lamang sang iya bata.
Gilayon man sini nga ginpadulungan ang crime scene, kag siya ang nagkulurog sang makita ang kahimtangan sang mga biktima.
Suno diri, maayo nga mga persona ang pagkakilala sini sa pamilya.
Ginalantaw sini nga indi man kwarta ang rasun bangod nanghulam pa sa iya si Josephine kag apisar ang mga ini ang nakapatubas sa ila uma, ini ang nagakadto lamang sa pagbayad sang utang.
Sang sila ang magsugilanon, wala man nakabuya sang pahayag si Josephine nga ini ang may kontra.
