Kapulisan sa Negros Occidental, nakakumpiskar sang masobra 100 nga boga kag kapin 1K nga illegal nga palupok

Natigayon nga makompiskar sang Negros Occidental Police Provincial Office (NOCPPO) ang masobra sa 100 ka bilog nga boga sa bilog nga probinsya.

Sa interview sang Bombo Radyo Bacolod kay NOCPPO Spokesperson Police Captain Judesses Catalogo, nagdangat sa 112 ang mga boga nga nakumpiskar sa bug-os nga probinsya kag may yara man sang 940 assorted firecrackers nga nagdangat sa balor P25,340.

Suno kay Catalogo ang mga palupok nga wala nabaligya sa sulod sang designated firecrackers selling areas ang ginakumpiskar sang mga otoridad.

Ang mga nakumpiskar nga mga illegal nga palupok ang ginapatigayunan sang ceremonial disposal sa kada police stations kun sa diin ini ang ginabasa sang tubig kag ginalubong sa duta.